Модрич Роналдудың қашан 1000 гол соғатынын айтты

«Милан» жартылай қорғаушысы Лука Модрич «Әл-Наср» шабуылшысы Криштиану Роналдудың кәсіби мансабында 1000 гол соғу межесіне жету мүмкіндігі туралы пікір білдірді, деп хабарлайды Prosports.kz.

– Оны жақсы білесіз. Роналдудың 1000 голға жететініне күмәніңіз жоқ па? Оған бар болғаны 22 гол қалды. Сонда ол ресми матчтарда 1000 гол соққан тарихтағы алғашқы футболшы атанады.

– Криштиану керемет футболшы. Ол феномен, нағыз құбыжық. Оның бұл межеге жететініне еш күмәнім жоқ. Оның осы уақытқа дейін жасағаны, әлі де жасап жүргені және әр матчта бар күшін салып ойнайтыны таңғалдырады.

Оның алдында кемінде тағы бір жыл бар. Жоғарыда айтқанымдай, ол бұл межеге міндетті түрде жетеді. Бұл – керемет жетістік. Оның тағы қанша уақыт ойнағысы келетінін білмеймін. Бірақ ол 50 жасқа дейін ойнағысы келсе де, гол соғуын жалғастыра береді. Оның гол соғу қабілеті, әсіресе мінезі, өзіне деген сенімі мен жігері таңғалдырады, – деп Модричтің сөзін AS басылымы келтіреді.

Қазіргі таңда Криштиану Роналдудың ресми матчтардағы мансаптық голдарының саны – 978. Португалиялық футболшы тарихи 1000 гол межесіне жету үшін тағы 22 гол соғуы керек.