Волейболдан Қазақстан құрамасы Азия кубогында үздік бестікке енді

Үндістанның Ахмедабад қаласында волейболдан ерлер командалары арасында өтіп жатқан Азия кубогында Қазақстан құрамасы бесінші орынға ие болды, деп хабарлайды Prosports.kz сайты ҚазАқпарат-қа сілтеме жасап. 

Қазақстандықтар бесінші орын үшін ойында Таиланд командасымен шеберлік байқасты. 

Бірінші партия текетіреспен өтіп, есеп 17:17 болғаннан кейін қазақстандықтар таразы басын өздеріне аудара білді – 25:21. 

Екінші сетте бастапқыда таилықтар алға кеткенімен, Сергей Трикоздың шәкірттері есесін жіберген жоқ – 25:23.

Үшінші партия Таиландтың еншісіне жазылды – 25:22. Дегенмен Қазақстан матчты жеңіспен аяқтай білді – 27:25. Қорытынды есеп – 3:1.

Осылайша, негізінен жастардан жасақталған Қазақстан командасы Азия кубогында үздік бес құраманың қатарына кірді.

Волейболдан Азия кубогы: Қазақстан құрамасы камбэк жасады

Волейболдан Азия кубогы: Қазақстан құрамасы Аустралияны жеңді

Волейболдан Азия кубогы: Қазақстан құрамасы алаң иелеріне жол берді