«Қайрат» футзал клубы бас бапкерсіз қалды

Бразилиялық маман Даниэль Жуниор Алматының «Қайрат» командасының бас бапкері қызметінен кетті, деп хабарлайды Prosports.kz сайты Futsalkazakhstan-ға сілтеме жасап.

«Даниэль Жуниор Алматының «Қайратынан» кетеді. Спорт директоры Густаво Парадеда маусым соңына дейін уақытша бас бапкер қызметін атқарады.

Өткен маусымда да осындай жағдай болды: Марлон Веласко плей-офф жартылай финалы басталмай тұрып командадан кетіп қалды. Ол кезде де Густаво Парадеда маусым соңына дейін команда тізгінін ұстаған еді», - деп жазды портал.

46 жастағы маман «Қайратқа» 2025 жылдың 13 тамызында келген еді.

Қазақстан жастары Түркістанда Өзбекстанды жеңді