Қазақстандық файтерлердің UFC-дегі келесі жекпе-жектері белгілі болды
Қазақстандық UFC файтері Асу Алмабаев кәсіби еркін күреске арналған Real American Freestyle лигасымен келісімшартқа отырды, нітижесінде оның UFC-дегі мансабына қатысты сұрақтар туындады, деп хабарлайды Prosports.kz.
DAR Pro Team бас бапкері Эдуард Базровтың айтуынша, RAF лигасына қосылу Алмабаевтың UFC-дегі келісіміне кедергі келтірмейді. Оның сөзінше, UFC мұндай қосымша күрес турнирлеріне қарсы емес және спортшының екі бағытта қатар дамуына мүмкіндік береді.
Бапкердің пікірінше, егер қосымша жарыстар UFC жоспарларына қайшы келмесе, файтерлерге еркін күрес лигаларында өнер көрсетуге рұқсат беріледі. Ол тіпті RAF-тағы тәжірибе Асу үшін үлкен пайда әкелетінін атап өтті.
Айта кетелік, Алмабаевтың келесі басты мақсаты – UFC-дегі жекпе-жектерін жалғастыру. Ол 27 маусымда Бакуде өтетін UFC Fight Night турнирінде Чарльз Джонсонға қарсы жекпе-жек өткізеді.