Астанада өтетін «Grand Slam» турнирінің жүлде қоры белгілі болды

Дзюдодан «Grand Slam» 2025 жылғы әлем турнирінің жалпы жүлде қоры белгілі болды, деп хабарлайды Prosports.kz.

Турнир 9-11 мамыр аралығында Астанада өтеді, оның жалпы жүлде қоры 154 мың еуро (шамамен 90 миллион теңге) болады.

Жеңімпаздарға 5 000 еуро (шамамен 2,9 миллион теңге), күміс жүлдегерлерге 3 000 еуро (шамамен 1,75 миллион теңге), қола жүлдегерлерге 1 500 еуро (шамамен 870 мың теңге) беріледі.

Сонымен қатар, 2025 жылғы «Grand Slam» турниріне қатысу спортшыларға Олимпиада ойындарына және басқа да ірі жарыстарға қатысуға қажетті әлемдік рейтингте ұпай жинауға мүмкіндік береді.