Америкалық сарапшы Головкинді рингке оралуға шақырды
Америкалық журналист Майкл Вудс Геннадий Головкиннің әлі де рингке оралуы мүмкін екенін болжады, деп хабарлайды Prosports.kz.
«Егер бұл жаңалықты байқамай қалсаңыз, есіңізде болсын: ЕСІМДЕР өте маңызды рөл атқарады. Тіпті олардың спорттық карьераларының шарықтау шегі артта қалса да. Головкин мен Влад – танымал есімдер… Сондықтан олардың тартымдылық «құны» 40, 45 және одан жоғары жаста да сақталады. Меніңше, Владтың қайтадан боксқа оралуға ынтасы GGG-ге қарағанда көбірек сияқты, бірақ мұны нақты тек олардың өздері біледі», – деп жазды сарапшы әлеуметтік желідегі парақшасында.
42 жастағы Геннадий Головкин - қазіргі уақытта Қазақстанның Ұлттық олимпиада комитетінің басшысы, соңғы рет рингке 2022 жылдың қыркүйегінде шыққан. Ал 48 жастағы Владимир Кличко 2017 жылдың сәуірінен бері кәсіби жекпе-жекке қатыспаған.