Шавкат Рахмоновтың жекпе-жектен қанша табыс тапқаны белгілі болды
Аралас жекпе-жектен жеңілмеген қазақстандық файтер Шавкат Рахмонов ирландиялық Иэн Гэрриді (15:1) жеңгеннен кейін қанша гонорар алатыны белгілі болды, деп хабарлайды Prosports.kz.
Айта кетейік, Шавкат Рахмонов UFC 310 турнирінде ирландиялық Иэн Гэрриді төрешілердің шешімімен жеңіп, бұл жекпе-жек үшін 450 мың доллар (228 миллион теңге) табыс тапқан болатын. Қазақстандық кепілдендірілген жарна ретінде 350 мың доллар (177 миллион теңге), ұтқаны үшін тағы 100 мың доллар (50 миллион теңге) алды.
Бұл жеңіс чемпиондық жолындағы тағы бір қадам ғана емес, сонымен қатар Рахмоновтың мансабындағы маңызды сәт болды, өйткені бұл оның UFC-дегі беделін нығайтты. Бұған дейін жеңіліп көрмеген Иэн Гэрриді жеңген Шавкат жартылай орта салмақтағы болашағынан үміт күттіретін файтерлердің бірі екенін растады.