Әйгілі қазақстандық файтер экс-чемпионмен жекпе-жек өткізеді

27 желтоқсанда Алматыда өтетін кәсіпқой бокс кешінде Жұман «Арлан» Жұмабеков ресейлік Искандар «Шеф-Повар» Зияевқа қарсы жұдырықтасады, деп хабарлайды Prosports.kz сайты Meta-ratings.kz-ге сілтеме жасап.

Искандар - «Top Dog» лигасының бірінші экс-чемпоны. Кәсіпқой бокста Зияев үш жекпе-жек өткізіп, барлығында мерзімінен бұрын жеңіске жеткен.

Жұмабеков – «Nomad» қазақ жекпе-жек лигасының бұрынғы чемпионы. Жұман кәсіпқой рингте үш рет өнер көрсетті. Оның рекордында төрешілер шешімі бойынша екі жеңіс пен бір жеңіліс бар.