Александр Бублик Монпельедегі турнирді жеңіспен бастады

Қазақстандық теннисші Александр Бублик Монпельедегі (Франция) турнирді жеңіспен бастады, деп хабарлайды Prosports.kz.

Бублик бірінші айналымда канадалық Денис Шаповаловты 1:6, 7:6, 6:3 есебімен ұтты.

Кездесу 2 сағат 28 минутқа созылды.

Айта кетейік, қазақстандық теннисші келесі айналымда А.Шевченко мен Г.Баррер арасындағы кездесудің жеңімпазымен ойнайды.