Ресей футболының аңызы басқа елге қоныс аударды
ЦСКА мен Ресей құрамасының бұрынғы қорғаушысы Василий Березуцкий Ресейден Испанияға тұрақты тұруға көшкенін айтты, деп хабарлайды Prosports.kz.
Экс-футболшының айтуынша, ол испан тілін үйренуде және алдағы бірнеше жыл осы елде тұрады.
«Мен Марбелада сегіз ай бойы тұрып жатырмын. Алдымен мен Барселонада болдым, бірақ қазір Марбелаға көштім. Ауа-райы жайлы, тамақтары дәмді, атмосферасы керемет. Мұнда Ресейден келгендер өте көп. Менің балаларым осында оқиды, мен алдағы жылдары Испанияда тұрамын», - деді Березуцкий журналист Нобель Арустамянға берген сұхбатында.
Василий Березуцкий ағасы Алексеймен бірге бүкіл кәсіби мансабын ЦСКА-да өткізді.
2018 жылы ойыншылық мансабын аяқтағаннан кейін Василий «Витессе», ЦСКА және Краснодар командаларында жаттықтырушы болып жұмыс істеді.