Қазақстандық теннисші АҚШ-тағы турнирде топ жарды

Әлемнің 247-ракеткасы, қазақстандық теннисші Бейбіт Жұқаев Шарлоттсвиллде (АҚШ) өткен «Челленджер» сериялы турнирде жеңіске жетті, деп хабарлайды Prosports.kz.

Жарыстың финалында отандасымыз америкалық Эйдан Майоны 6:3, 6:4 есебімен жеңді.

Кездесу 1 сағат 15 минутқа созылды.

Жұқаев мансабында алғаш рет «Челленджер» сериялы турнирде топ жарып отыр. 

Айта кетейік, Шарлоттсвиллдегі турнирдің жүлде қоры 80 000 доллар. Байқау жеңімпазы 10 840 доллар сыйақы мен 75 рейтингтік ұпайға ие болады.