Макгрегор октагонға қашан оралатынын айтты
Ирландиялық UFC файтері Конор Макгрегор ұзақ үзілістен кейін октагонға оралатынын жоспарлағанын айтты, деп хабарлайды Prosports.kz.
Макгрегор америкалық Майкл Чендлерге қарсы жекпе-жек өткізуі керек, бірақ әлі міндетті допинг-сынамадан өтпеген.
– Октагонға қашан ораласыз?
- Мен процесте жатырмын. Желтоқсанда жекпе-жек өткіземін деген үміт бар.
- Чендлер сіздің қарсыласыңыз бола ма?
- Иә, болуы керек. Чендлер, мені күте тұр және аузыңды жап! – деді Макгрегор All Out Fighting басылымына берген сұхбатында.
Конор Макгрегор ММА бойынша 28 жекпе-жек өткізіп, 22 жеңіске жетті. Ол 2021 жылдан бастап, америкалық Дастин Порьемен жекпе-жекте ауыр жарақат алған соң октагонға шыққан жоқ.
