Қуат Хамитов ресейлік ММА ардагерін жекпе-жекке шақырды

Қазақстандық файтер Қуат «Найман» Хамитов Instagram парақшасында ресейлік Расул Мирзаевты жекпе-жекке шақырды, деп хабарлайды Prosports.kz.

«Расул Мирзаев, Қазақстандағы Hardcore Boxing кешінде жекпе-жек өткізейік, бұл туралы не айтасыз!?», - деп жазды Instagram парақшасында.

Хамитов кейінгі жекпе-жегін 2023 жылдың мамыр айында Hardcore MMA 62 турнирінде өткізіп, төрешілер шешімімен Залимхан Юсуповты жеңді. Ол 24 рет жеңіске жетіп, сегіз рет жеңіліп және бір рет тең түскен.