Грек-рим күресінен әлем чемпионатына қатысатын балуандар белгілі болды

Иордания астанасы Амман қаласында өтетін күрес түрлерінен 20 жасқа дейінгі жастар арасында әлем чемпионатына қатысатын қазақстандық балуандар тізімі белгілі болды.

Дүбірлі додада 14-20 тамыз аралығында өткізіледі. Оған еліміздің атынан грек-рим, еркін және әйелдер күресінен спортшылар қатысады.

Бапкерлер грек-рим күресінен Исхар Құрбаев (55 келі), Сайфулла Құрман (60 келі), Дінислам Сағитжан (63 келі), Азиз Гасымов (67 келі), Елдос Камелов (72 келі), Олжас Ерғали (77 келі), Ислам Евлоев (82 келі), Нұрасыл Аманалы (87 келі), Нұртас Қыдырбай (97 келі) мен Джохар Узаров (130 келі) сынды балуандарға сенім артып отыр.