Дональд Трамп Геннадий Головкинмен кездесуі туралы айтты

<span>АҚШ-тың бұрынғы президенті Дональд Трамп UFC YouTube арнасына берген сұхбатында қазақстандық боксшы Геннадий Головкин туралы айтты. Ол спортшымен кездескенін және оның өнеріне тәнті болғанын бөлісті. Бұл туралы KAZ.NUR.KZ хабарлайды. </span>

<span>Сұхбат алушы Дональд Трамптан GGG-мен кездесуі туралы сұраған кезде АҚШ-тың экс-президенті Головкинді Сауль Альварес екеуінің арасында болған жекпе-жегінде көргенін айтты.</span>

<span> "Бұл өте қызық болды. Мен ол кезде Мар-а-Лагода болдым. (...) Ол жақта GGG деген жігіт болды. Мен ол туралы ешқашан естіген емеспін. Бірақ оған қарап, оның жауынгер екенін бірден түсіндім. Ол келіп: "Менің атым Головкин, GGG" деді. Ол Madison Square Garden алаңында жекпе-жек өткізіп жатқанын айтты. </span>

<span>Ол кезде ол әлі жас еді. Бірақ өзі керемет болған. Ол басқалардан әлдеқайда жақсырақ еді. Мен оның қалай чемпион болғанын көрдім.</span>

<span> Меніңше, ол чемпион атанды. (Бір кездері - ред.) оның қатысуымен жекпе-жек болған, кімге қарсы шыққаны маңызды емес, кім болғанын айтқым келмейді, бірақ ол жеңіліп қалды. Ол жекпе-жектің белгілі бір уақытында басымдық танытқан болатын, алайда шешім оның пайдасына қабылданған жоқ. Бұл жайт жүрегімді жаралады. Оның да тас-талқанын шығарды. Бірақ бұл жігіт керемет еді, ол мықты айқасты", – деді Трамп.</span>