«Базель» Қазақстанға ұшар сәтте қиындыққа тап болды

Швейцариялық «Базель» Конференция лигасы екінші іріктеу кезеңінің қарымта матчы аясында Қазақстанға ұшып келуде қиындыққа тап болды, деп хабарлайды Prosports.kz<span> </span>тілшісі<span> </span>Srf.ch сайтына сілтеме жасап.

Еуропалық команда ұшып келуі керек болған алғашқы ұшақ әуеге көтерілуге дайын болмай, рейс ауысқан. Украинадағы соғысқа байланысты ұшақ Грузия арқылы ұшып, тағы үш сағатты әуеде өткізген.

Команда Қазақстанға бүгін 14:00-де жетті, бұл алғашқы жоспардан он сағатқа кеш.

«Тобыл» мен «Базель» арасындағы матч ертең елорда уақытымен 20:00-де басталады.