Жан Кособуцкий спорттағы ең маңызды жекпе-жегіне дайындалып жатыр

26 тамызда Талсада (АҚШ, Оклахома штаты) Top Rank бокс кеші өтеді. Онда аса ауыр салмақтағы Қазақстан өкілі Жан Кособуцкий (19-0, 18 КО) нигериялық Эфе Аджагбоймен (17-1, 13 КО) айқасады.

BoxRec.com беделді порталы алдағы айқасқа бес жұлдыздың үшеуін берді.

Қазіргі уақытта бұл - Кособуцкийдің мансабындағы ең жоғарғы баға, бұған дейін ол «екі жұлдызды» айқастар өткізіп келді.

BoxRec жекпе-жек рейтингіне бірнеше фактор ықпал етеді: қарсылас деңгейі, бокс кешінің мәртебесі, сондай-ақ бәске қойылған титулдардың маңыздылығы.

26 тамыздағы шоудың басты оқиғасында аса ауыр салмақтағы тағы бір жекпе-жек өтеді: америкалық Джаред Андерсон (15-0, 14 КО) мен украиналық Андрей Руденко (35-6, 21 КО) айқасы.