Үстел теннисінен Алматыда өтетін WTT Youth Contender турнирінде 25 төреші қызмет етеді
25-28 шілде аралығында Алматыда алғаш рет үстел теннисінен WTT Youth Contender Almaty Халықаралық жасөспірімдер турнирі өтеді, деп хабарлайды Prosports.kz тілшісі Olympic.kz сайтына сілтеме жасап.
Бес түрлі жас санатында әлемнің 13 елінен келген спортшылар өнер көрсетеді. Бұл өкілді іс-шараға 25 төреші қызмет көрсетеді: 2 шетелдік және 23 қазақстандық.
WTT Youth Contender Almaty төрешілері келесідей: Халед Заки (Мысыр), Мопкар Мангеш (Үндістан), Мағжан Тәжікеев, Игорь Диомидов, Ши Пынчин, Владимир Кудинов, Артём Орёл, Рашид Габиев, Рустам Мирасланов, Руслан Мырзағалиев, Лаура Табажанова, Егор Амельченко, Жоламан Өтен, Людмила Анисимова, Сәуле Мадачинова, Рауан Гарифуллин, Дильназ Жалалдин, Гүлназ Жалалдин, Ислам Нұрсилаев, Нұртілеу Әміралиев, Бекзат Әубәкіров, Азамат Көшкімбаев, Айман Қапарова, Арман Орынбай, Темірлан Ким.