Боксшыларымыз Таиландтағы кәсіпқой жекпе-жек кешіне қатысты
<span>Боксшыларымыз кәсіпқой рингте бағын сынады, деп хабарлайды Prosports.kz тілшісі «Хабар 24» сайттына сілтеме жасап. </span>
<span>Халықаралық бокс қауымдастығы жыл сайын әлем үздіктерінің басын қосып, әуесқой боксшылар арасында шоу ұйымдастырады. Биылғы жекпе-жек кеші Таиландтың Пхукет қаласында өтті және оған 3 бірдей жерлесіміз шақырту алды. </span>
<span>Ең алдымен, орта салмақтағы Мұхаммедсабыр Базарбайұлы өзбекстандық Муджибилло Турсуновпен жолығып, қарсыласына есе жіберді. Кездесу барысында қазақ боксышысы жарақат алды. Артынша 71 келідегі Дулат Бекбауов та тағы бір өзбекстандық Асадхуджа Муйдунхуджаевтан жеңілді. </span>
<span>Айта кету керек, қос боксшы бірер ай бұрын Ташкенттегі әлем чемпионатының финалында кездесіп, онда да өзбек жігіті жеңіске жеткен болатын. Ал әйелдер арасында қазақстандық Валентина Хальзова түркиялық Элиф Гюнерді жеңді.</span>
<span> Жерлестеріміз осы кездесу үшін салмақ қосып, жаңа санатқа ауысқан еді. Соған қарамастан өте белсенді қимылдап, айқын басымдықпен ұтты. Бокс кешінің ерекшелігі жекпе-жектер 5 раундтан тұрады.</span><span> Бұған қоса жеңген боксшыға 10 мың, жеңілгеніне 5 мың доллар көлемінде сыйақы беріледі. </span>
Валентина Хальзова, бокстан ұлттық құрама мүшесі:
<span> - Кәсіпқой рингте бірінші рет жұдырықтастым. Сондықтан жекпе-жек алында қатты толқыдым. Кездесу ойдағыдай өтіп, жеңіске жеткеніме қуаныштымын. Бұл – мен үшін үлкен тәжірибе. Осы кешке дайындаған бапкеріме және барынша қолдау танытқан отандастарыма алғыс айтамын.</span>
