Қазақстан әйелдер құрамасы су добынан әлем чемпионатының басында Израильден жеңілді

Су добынан Қазақстанның әйелдер құрамасы Фукуокада өтіп жатқан FINA әлем чемпионатының топтық кезеңін ірі жеңіліспен бастады, деп хабарлайды Prosports.kz.

Қазақстандық әйелдер әлем чемпионатындағы алғашқы кездесуінде Израильден 6:17 (3:5, 1:6, 2:2, 0:4) есебімен жеңіліп қалды. В тобындағы тағы бір кездесуде Голландия құрамасы Испанияны ұтты – 7:6.

Еске салайық, топтардың жеңімпаздары ширек финалға тікелей жолдама алады. Екінші және үшінші орын алған командалар 1/8 финалда өнер көрсетеді. Топтардың аутсайдерлері 13-16 орындар үшін турнир өткізеді.