Ронда Роузи UFC-ге оралуы мүмкін

UFC файтері Челси Чандлер әйелдер арасындағы жеңіл салмақта бұрынғы лига чемпионы Ронда Роузи промоушенге қайта оралуы мүмкін екенін айтты, деп жазады Prosports.kz.

Чандлердің айтуынша, Роузи әйелдер арасындағы жартылай жеңіл салмақ дәрежесінде жарысты бастауы мүмкін.

Роузи соңғы рет 2016 жылы желтоқсанда UFC 207 турнирінде Аманда Нуньеспен жекпе-жек өткізді. Бұл текетіресте Ронда бірінші раундта техникалық нокаутпен жеңілді. Осы жекпе-жектен кейін ол промоушеннен кетті.