Пратес Махачевке ерекше ескерту жасады

UFC-дің жартылай орта салмақтағы рейтингінде екінші орында тұрған бразилиялық Карлос Пратес чемпиондық амбициясын ерекше түрде білдірді, деп хабарлайды Prosports.kz.

Жекпе-жек шебері әлеуметтік желіде қазіргі чемпиондық белбеу иегері Ислам Махачев бейнеленген, нейрожелі көмегімен жасалған суретті жариялады. Сондай-ақ суретке испан тілінде «іздестіріледі» деген жазу қосқан.

33 жастағы Пратес UFC-дегі дебютін 2024 жылы өткізген. Оның промоушендегі көрсеткіші — жеті жеңіс және бір жеңіліс.

Бразилиялық спортшы соңғы жекпе-жегін мамыр айында өткен UFC Fight Night 275 турнирінде өткізді. Ол жартылай орта салмақтағы бұрынғы чемпион, австралиялық Джек Делла Маддаленаны техникалық нокаутпен жеңді.