Дәурен Ермеков бір жолда екі ММА лигасының чемпионы атанды

Алматыда Naiza және Ural FC лигасының бірлескен турнирі өтті, деп жазады Prosports.kz.

Кештің басты жекпе-жегінде Дәурен Ермеков (17-5) пен ресейлік Руслан Шамилов (11-5) кездесті. Тарихта алғаш рет жекпе-жекте бірден екі титул бәске тігілді - орта салмақтағы Naiza және Ural FC белбеуі.

Жекпе-жек толық бес раундқа созылып, төрешілер шешіммен Ермеков жеңіске жетті.

Осылайша, Дәурен Ермеков бір уақытта орта салмақтағы Naiza және Ural FC титулын жеңіп алды.