Данияр Елеусінов Жәнібек Әлімханұлының жаттығу залына барды

Қазақстандық боксшы, 2016 жылғы Олимпиада чемпионы Данияр Елеусінов WBO тұжырымы бойынша әлем чемпионы Жәнібек Әлімханұлының (14-0, 9 КО) залына барды, деп жазады Prosports.kz.

Данияр Окснардтағы (Калифорния) Джеймс «Бадди» МакГирттің жаттығу залына барды.

Елеусінов жаттықтырушымен бірге өткізген жаттығу сәтінен видео жариялап, «Жақында...» - деп жазды.

Айта кетейік, өткен аптада Рио-де-Жанейро Олимпиадасының чемпионы Данияр Елеусіновтің Boxing Stars компаниясындағы менеджерлері Зия Алиев, Элвис Креспо және Джо Кьямбоны сотқа бергені белгілі болды.