«Канело» Биволмен қашан реванш өткізетінін айтты

Танымал мексикалық боксшы Сауль Альварес қыркүйекте Дмитрий Биволмен реванш өткізуді жоспарлап отырғанын айтты, деп хабарлайды Prosports.kz. 

Ресейлік боксшы кейінгі жекпе-жегінде орта салмақтағы (76,2 келіге дейін) бұрынғы әлем чемпионы мексикалық Гилберто Рамиресті жеңген болатын.

Канелоның келесі жекпе-жегі туған жері Мексикада өтеді. 6 мамырда Сауль ұлыбританиялық боксшы Джон Райдермен кездеседі.

Еске салайық, Альварес 2022 жылдың қыркүйегінде өткен кейінгі жекпе-жегінде қазақстандық ардагер Геннадий Головкинді жеңген болатын.

Фото: sportskeeda.com