«Барыстың» үздік қорғаушысы басқа клуб сапында өнер көрсетуі мүмкін

Шайба.kz сайтының мәліметінше, Қазақстан чемпионатының плей-офф кезеңінің финалындағы «Номад» - «Хумо» матчында «Барыстың» үздік қорғаушысы Әділ Бекетаев астаналық клуб сапында өнер көрсетуі мүмкін, деп хабарлайды<span> </span>Prosports.kz.

ҚХЛ-дағы бірінші маусымның қорытындысы бойынша 24 жастағы өскемендік ойыншы елордалық клубтың ең нәтижелі қорғаушысы атанды, ол 64 кездесуде 21 (3+18) ұпай жинады.

Спортшы «Номадтың» өтініміне енді және қазір командамен бірге жаттығып жүр. Ол осы маусымда фарм-клубта әзірге ойнаған жоқ.

Pro Hokei Ligasy-ның плей-офф финалында «Номад» пен «Хумо» кездеседі. Серияның алғашқы төрт кездесуі 2 және 3 сәуірде Ташкентте, 7 және 8 сәуірде Астанада өтеді.