Су добынан Азия чемпионаты: Қазақстан құрамасы Сингапурды жеңді

Сингапурде өтіп жатқан су добынан Азия чемпионатында Қазақстан қыздар құрамасы төртінші жеңісіне қол жеткізді, деп хабарлайды Prosports.kz.

25 наурыз күні таңертең қазақстандық ватерполшылар турнир қожайыны Сингапур құрамасын 13:2 есебімен жеңді. Қазақстан құрамасының өкілі Дарья Починок кездесудің үздік ойыншысы атанды.

Қазақстан құрамасы құрлық біріншілігіндегі келесі кездесуін 26 наурызда Таиландқа қарсы өткізеді.