ӘЧ-2023: Қазақстандық Азия чемпионы ширек финалға шықты

Бүгін Үндістан астанасы Нью-Делиде бокстан әйелдер арасындағы әлем чемпионатының алтыншы жарыс күні өтіп жатыр, деп хабарлайды Prosports.kz.

Кешкі сессияда қазақстандық боксшы Римма Волосенко өнер көрсетті. 1/8 финалда спортшымыз сербиялық Наталья Шадринамен кездесті. 60 келі салмақ дәрежесіндегі жекпе-жек төрешілер шешімімен Волосенконың пайдасына аяқталды.

Еске салайық, Римма Волосенко Азия-2021 чемпионы. Финалда ол индонезиялық Хусватун Хасанды сенімді ұтқан еді.