«Астана» атақты қорғаушымен келісімшартқа отырды

Армениялық қорғаушы Вараздат Ароян «Астанамен» келісімшартқа отырды, деп хабарлайды Prosports.kz Meta-ratings.kz cайтына сілтеме жасап.

Ресми түрде 30 жастағы ойыншының ауысатыны жақын күндері белгілі болады.

Бұған дейін армениялық футболшы Кипрлік Антортозда ойнап, осы маусымда 20 матч өткізіп, бір гол соққан.

2021 жылғы маусымда Ароян «Астана» сапында 13 матч өткізіп, бір гол соқты, содан кейін Испанияның Ла Лигасының «Кадис» клубына аттанды.

Вараздат Ароян – Армения құрамасының жетекші ойыншысы. Ұлттық құрама жейдесінде 62 матч өткізіп, үш гол соқты.