Қазақстандық футболшы шетелдік лигада еурокубок қатысушысына қарсы ойнады

Қазақстандық футболшы Вадим Яковлев «Бэлць» сапында Молдова Суперлигасы плэй-офф кезеңінің 1-туры аясында елдегі ең титулды клуб саналатын «Шерифке» қарсы ойнады, деп хабарлайды Prosports.kz.

«Шериф» өз алаңында қарсыласын 1:0 есебімен жеңді. 19 жастағы Яковлев негізгі құрамда шығып, матчты толық өткізді. Ал 60-минутта сары қағаз алды.

Айта кетейік, тираспольдік клуб осы маусымда Конференциялар лигасының 1/8 финалында ойнап жатыр.

«Шериф» (Тирасполь, Молдова) — ФК «Бэлць» (Бельцы, Молдова) 1:0 (0:0)
Гол: Мухамед Диоп, 51 — 1:0.