Вороговскийдің командасы Бельгия чемпионатында басты бәсекелесінен жеңіліп қалды

«Моленбек» Бельгия Бірінші лигасы плей-офф кезеңінің екінші турында «Беверен» командасынан жеңілді, деп хабарлайды Prosports.kz.

Матч 2:1 есебімен аяқталды.

«РВД Моленбек» сапында өнер көрсететін Қазақстан құрамасының қорғаушысы Ян Вороговский 79-минутта қосалқы құрамнан алаңға шықты.

Айта кетейік, осы ойыннан кейін «РВД Моленбек» 49 ұпай жинап, турнирлік кестеде бірінші орында тұр. Ал басты бәсекелесі «Беверен» еншісінде 46 ұпай бар.

«Беверен» — «Моленбек» 2:1

Гол соққандар: Бруни Нсимба, Давид Хрнчар — Юссеф Шаллук.