«Милан» қақпашысы Майк Меньян жақын арада алаңға оралмайтын болды
Майк Меньян жақын арада алаңға оралмайды, деп хабарлайды Prosports.kz.
La Gazzetta dello Sport мәліметінше, «Милан» қақпашысына қалпына келу үшін тағы 40-50 күн қажет болады.
Осылайша, қақпашы Чемпиондар лигасы плей-офф кезеңінің басын өткізіп алуы мүмкін. «Милан» 1/8 финалдағы алғашқы ойынын 14 ақпанда «Тоттенхэм Хотспурға» қарсы өткізеді.
Еске салайық, француз 22 қыркүйектен бері алаңға шықпаған. Ол Ұлттар лигасы аясындағы Австрияға қарсы ойында (2:0) аяғын жарақаттап алған.
