«Қайраттың» экс-қорғаушысы беларусьтік клубқа ауысты
«Қайраттың» экс-қорғаушысы Сергей Политевич минскілік «Динамоға» ауысады, деп хабарлайды Prosports.kz тілшісі Tribuna сайтына сілтеме жасап.
Политевич солигорскілік «Шахтерде» 2020 жылдан бері ойнаған. Беларусьтік «кеншілер» сапында Политевич 40 матчқа қатысып, 4 гол соққан. Командамен бірге ол үш рет қатарынан Беларусь чемпионы атанды, сондай-ақ 2022 жылы үздік қорғаушы болды.
Еске салайық, Сергей Политевич алматылық «Қайрат» сапында 2018-2019 жылдар арасында ойнап, 17 матчқа қатысты.
