«Сарнавским және Есқараевпен спарринг? Олардың нағыз кәсіпқой екеніне көзім жетті»
21 желтоқсанда Алматыда OCTAGON лигасы ұйымдастырған ауқымды жекпе-жек кеші өтеді.
O38 турнирінің негізгі кардында ұйымның жеңіл салмақтағы қазіргі чемпионы Мажит Сардаров (5-0) өнер көрсетеді. Ол жартылай жеңіл салмақ дәрежесінде ресейлік Камиль Атаевпен (3-0) кездеседі.
Сардаров Prosports.kz тілшісіне берген сұхбатында алдағы жекпе-жегіне дайындық, отандасы Олжас Есқараевпен және бұрынғы Bellator файтері Александр Сарнавскиймен спарринг, сондай-ақ жартылай жеңіл салмақтағы жоспары туралы айтты.
– Мажит, жазда жеңіл салмақта чемпион атандың, алдағы жекпе-жек жартылай жеңіл салмақта өтеді. Мұндай шешім қабылдауға не түрткі болды?
– Екі салмақта чемпион болғым келеді. Сол үшін осындай шешім қабылдады.
– Статистикаға сенсек, кәсіпқой спорттағы барлық жекпе-жегіңізді жеңіл салмақта өткіздіңіз. Салмақ категориясының өзгеруі сізге қалай әсер етуі мүмкін және қандай қиындық болуы мүмкін?
– Ешқандай қиындық болмайды деп ойлаймын. Жартылай жеңіл салмақта өнер көрсету маған аса қиын болмайды.
– Жартылай жеңіл салмақтағы бәсекелестікке қандай баға бересіз, мұнда кіммен жекпе-жек өткізгіңіз келеді?
– Ресейлікпен маңызды жекпе-жек өткізгелі отырмын. Осы жекпе-жектен кейін мұнда ешкім маған бәсекелес бола алмайды деп ойлаймын.
– Әлеуметтік желілерге қарағанда, сіз бұрынғы Bellator файтері Александр Сарнавскиймен, сондай-ақ Виталий Слипенко және Олжас Есқараевпен бірге жаттықып жүрсіз. Мұндай серіктермен дайындықтан не үйрене алдыңыз?
– Осындай мықты файтерлермен жұмыс жасай отырып, тәжірибе жинақтап, қателіктеріңізді көресіз, мұның көмегі зор болады.
– Есқараев пен Сарнавский де жеңіл салмақта өнер көрсетеді. Олармен өткізген спаррингтен қандай әсер алдыңыз?
– Олар өз ісінің нағыз маманы, мұны өз көзіммен көрдім.
– Алдағы жекпе-жекте ресейлік Камиль Атаевпен кездесесіз. Қарсыласыңыз жайлы не айтасыз, кездесу қиын болады деп ойлайсыз ба?
– Менің ойымша, ол мықты файтер, жай қарсылас емес екені анық. Мұндай қарсыласпен кездесу тек пайдасын тигізеді.
– Атаев та сіз сияқты ММА-ға бокстан келген. Октагонда бұрынғы боксшымен жұдырықтасу қандай болады және бұл жекпе-жекке қалай әсер етеді деп ойлайсыз?
– Оның ешқандай әсері болмайды. Мен кездесу барысында болатын барлық нәрсеге дайынмын.
Фото: OCTAGON, Мажит Сардаровтың инстаграм парақшасы.
Алдағы кешке билеттерді zakazbiletov.kz сайтынан сатып алуға болады
Турнирдің бас серіктесі UNDERDOG спорт агенттігі
OCTAGON лигасының ресми серіктесі - Parmigiano Group компаниясы
Турнирдің ресми серіктесі 1XBET букмекерлік компаниясы
