Алматыдағы бокс кешінде Рахат Сейітжан тәжікстандық қарсыласын нокаутқа түсірді

Бүгін Алматыда Tukeshov Boxing Event XVII кәсіпқой бокс кеші өтті, деп хабарлайды Prosports.kz.

Жеңіліп көрмеген қазақстандық боксшы Рахат Сейітжан (9-0, 5 КО) тәжікстандық дебютант Расулджон Азимовпен кездесті.

6 раундқа есептелген жекпе-жек екінші раундта аяқталды. Сейітжан техникалық нокаутпен жеңіске жетті.

Осылайша, Рахат Сейітжан карьерасындағы оныншы жеңісіне қол жеткізді.