Теннис

Қазақстандық жас теннисші Грекиядағы турнирде жеңімпаз атанды

Қазақстандық жас теннисші Грекиядағы турнирде жеңімпаз атанды

Қазақстандық Жантөре Санжарұлы 12 жасқа дейінгілер арасында Грекияда өткен екінші санаттағы Tennis Europe турнирінде жеңімпаз атанды, деп хабарлайды Рrosports.kz тілшісі ҚазАқпаратқа сілтеме жасап.

Қазақстан теннис федерациясынан мәлім еткеніндей, Жантөре кипрлік Михаэл Гинетлумен бірге жұптық сында финалда намибиялық Исраэл Дове - грекиялық Рафаэль Пагонисті жеңді - 7:6, 6:3.

Жекелей сында да финалға жеткен Ж.Санжарұлы соңғы бәсекеде аустриялық Морис Фрейтагқа жол берді - 1:6, 2:6.

Тағы бір қазақстандық Ева Корышева Испанияда Рафаэль Надаль академиясында 14 жасқа дейінгілер арасында үшінші санаттағы осындай жарыста жұптық сында финалға дейін жетті. Ол Швейцария өкілі Луана Каппельмен бірге титул үшін бәсекеде аса тартысты матчта италиялық Костанца Рикон - аустралиялық Элен Хиршиге есе жіберді - 6:1, 3:6, 8:10.

Ошибка в тексте? Выделите и нажмите Ctrl+Enter
Пікірлер 0