Сәкен Бибосынов Азия чемпионатының финалына шықты

Қазақстандық боксшы Сәкен Бибосынов бокстан Азия чемпионатының финалына шықты, деп хабарлайды Prosports.kz.

Турнир Амманда (Иордания) өтіп жатыр.

51 келіге дейінгі жартылай финалдық жекпе-жек өткізіп, жапондық Томойа Цубойды жеңді. Цубой былтыр әлем чемпионы атанған еді, сол кезде финалда қазақстандық Махмұд Сабырханнан басым түскен болатын.

Енді қазақстандық боксшы турнирдің алтыны үшін таласады. Финалдағы қарсыласы өзбекстандық Хасанбой Дусматов болады.