Асхат Тағыберген: «Көбірек гол соғуға болар еді, бірақ пайдалана алмадық»

«Тобыл» капитаны Асхат Тағыберген «Таразбен» өткен матч туралы пікірін айтып, клуб жанкүйерлеріне алғысын білдірді.

— Алаңдағы басымдық біздің жағымызда болды, әсіресе бірінші таймда. Біз бұл кездесуде барлық жағынан басым болдық, допты жақсы ұстадық. Көбірек гол соғуға болар еді, бірақ пайдалана алмадық.

Айта кету керек, «Тараз» — қорғаныста жақсы ойнай алатын команда. Мүмкіндікті пайдаланып, жанкүйерлерімізге маусым бойы көрсеткен қолдауы үшін алғыс айтқымыз келеді. Сіздерге рақмет!