Жәнібек Әлімханұлына әлем чемпионы атағынан айырылатыны ескертілді

Британдық жаттықтырушы әрі матчмейкер Эдвард Маскат отандасы Дензел Бентли мен орта салмақтағы WBO чемпионы қазақстандық Жәнібек Әлімханұлы арасындағы жекпе-жек туралы айтты, деп хабарлайды Prosports.kz.

«Менің Дензелім өзінің ойын жоспарын ұстанып, әлем чемпионы ретінде оралады», - деді Маскат.

Әлімханұлы мен Бентли арасындағы жекпе-жек 12 қарашада Лас-Вегаста өтеді және қазақ боксшысы үшін әлем чемпионы атағын бірінші рет қорғауы болмақ.

Бұған дейін WBO президенті Пако Валькарсель Әлімханұлы Бентлиді жеңетін болса, мексикалық Хайме Мунгиямен жекпе-жек өткізуі керек екенін айтқан болатын.