Аргентина вице-президентіне жасалған қастандықтан кейін барлық футбол матчтарын тоқтатты

Аргентина футбол қауымдастығы (AFA) елдің вице-президенті Кристина Киршнерге жасалған қастандыққа байланысты барлық футбол матчтарының тоқтатылатынын мәлімдеді, деп хабарлайды Prosports.kz .

«Аргентина футбол қауымдастығы вице-президент Кристина Киршнермен болған оқиғаны қатаң айыптайды. Біз зорлық-зомбылық ешқашан қозғаушы күш болмағанын мәлімдейміз», - делінген AFA мәлімдемесінде.

Вице-президентке қастандық жергілікті уақыт бойынша қыркүйектің 1-і күні кешке Киршнер өз үйінің жанында жақтастарын қарсы алған кезде орын алды. Белгісіз біреу оның бетіне тапанша сілтеп, триггерді басқан, бірақ оқ атылған жоқ. Осыдан кейін шабуыл жасаған адам ұсталды.