Баскетболдан Қазақстан құрамасы Қытайды қабылдайды

Баскетболдан Қазақстанның ерлер ұлттық құрамасы 2023 жылғы Әлем кубогына іріктеу кезеңінің 2-туры аясында Қытайға қарсы матч өткізеді.

Кездесу 25 тамызда Нұр-Cұлтан қаласындағы «Сарыарқа» Республикалық велотрегінің аренасында өтеді.

Ойынның басталуы елорда уақытымен 20:00-де.

Естеріңізге сала кетейік, жеребе қорытындысы бойынша «Дала қасқырлары» 1-ші раундта Иран, Сирия және Бахрейн құрамаларымен бірге D тобына түсті. Біздің команда алты матчтың бесеуінде жеңіске жетіп, көш басында келеді.