«Барыстың» америкалық ойыншысы қанша жалақы алады

15 шілдеде «Барыс» хоккей клубы шабуылшы Энтони Луиспен бір жылдық келісімшартқа отырды, деп жазады Prosports.kz.

Metaratings.ru порталының мәліметінше, американдық хоккейші бір маусымда 35-40 миллион рубль (605-692 мың доллар) жалақы алады.

Луис бұған дейін тек Солтүстік Америкада өнер көрсеткен, АҚШ-тың жасөспірімдер және жастар құрамасында бақ сынады. Шабуылшы кейінгі алты жылды АХЛ-да өткізді. 

2021/22 жылғы маусымда 27 жастағы Луис «Далластың» фарм-клубы «Техас Старста» өнер көрсетіп, команданың үздік сұрмергені атанды. АХЛ тұрақты мауымында 66 ойынға қатысып, 55 (24 + 31) ұпай жинады.