Хоккей

«Барыстың» америкалық ойыншысы қанша жалақы алады

«Барыстың» америкалық ойыншысы қанша жалақы алады

15 шілдеде «Барыс» хоккей клубы шабуылшы Энтони Луиспен бір жылдық келісімшартқа отырды, деп жазады Prosports.kz.

Metaratings.ru порталының мәліметінше, американдық хоккейші бір маусымда 35-40 миллион рубль (605-692 мың доллар) жалақы алады.

Луис бұған дейін тек Солтүстік Америкада өнер көрсеткен, АҚШ-тың жасөспірімдер және жастар құрамасында бақ сынады. Шабуылшы кейінгі алты жылды АХЛ-да өткізді. 

2021/22 жылғы маусымда 27 жастағы Луис «Далластың» фарм-клубы «Техас Старста» өнер көрсетіп, команданың үздік сұрмергені атанды. АХЛ тұрақты мауымында 66 ойынға қатысып, 55 (24 + 31) ұпай жинады.

Ошибка в тексте? Выделите и нажмите Ctrl+Enter
Пікірлер 0