Ақтөбеде футбол академиясының іргетасы қаланып жатыр
<span>Ақтөбеде 7-17 жастағы дарындыларды іріктеп, жарыстарға дайындайтын футбол академиясы салынып жатыр.</span>
<span>«Біздің қалада футбол кең танымалдылыққа ие, жанкүйерлері көп. Сондай-ақ, біз балалар мен жасөспірімдерге арналған спорт алаңдарының санын арттырып, бұқаралық спортты дамыту жұмыстарын жалғастыруымыз керек. Бұл – Мемлекет басшысының тікелей тапсырмасы. Тек кәсіби спортқа ғана емес, сонымен қатар бұқаралық спортқа да жағдай жасау керек», - деді құрылыс барысымен танысқан Оңдасын Оразалин. </span>
<span>Футбол академиясы «Химик» стадионының жанынан салынып жатыр. Академия ғимараты екі қабатты әкімшілік-тұрмыстық корпустан тұрады. Жаттығу залы, ем-дом бөлмесі, академия тыңдаушыларына арналған жатақхана, сонымен қатар күмбез іспетті төбе жабындысы қаралған. Мұнда жыл бойы жаттығумен айналысуға болады. Құрылыс келер жылдың мамыр айында аяқталып, қолданысқа беріледі. </span>
<span>Егер екі қабатты ғимаратты тұрғызуға арналған материал Словакиядан биыл қыркүйек айында әкелінсе, нысанды ерте пайдалануға беруге де мүмкіндік бар. </span>
<span>Облыс әкімі Оңдасын Оразалин спорт нысанының маңыздылығын атап өтіп, жұмысты сапалы орындауды тапсырды. Сондай-ақ, облыс әкімі «Химик» стадионында жүгіретін ақтөбеліктер үшін арнайы жол салу қажеттігіне назар аударды.</span>