Бейжің Олимпиадасы-2022: Қазақстан үшін жарыс қашан басталады?

Бейжіңдегі қысқы Олимпиадаға аттанған қазақстандық спортшылардан алғаш болып жарыс жолына могулшылар шығады. Фристайл-могулдан іріктеу жарыстары 3 ақпанда өтеді, деп хабарлайды Prosports.kz тілшісі.

Олимпиада оындарының ресми ашылу рәсімі 4 ақпанға жоспарланған. Алайда керлинг, фристайл, шайбалы хоккей сынды спорт түрінен жарыстар 2-3 ақпанда басталып кетеді. Қазақстандық фристайлшылар алғашқы іріктеу сындарын 3 ақпанда бастайды.

Фристайл-могулдан Олимпиадаға Қазақстаннан Юлия Галышева, Аяулым Әміренова, Олеся Граур, Анастасия Городко, Дмитрий Рейхерд және Павел Колмаков жолдама алған болатын.

Бейжің Олимпиадасындағы фристайл-могулдан жарыс кестесі мынадай:

3 ақпан

Могул, әйелдер. Бірінші іріктеу

Могул, ерлер. Бірінші іріктеу

5 ақпан

Могул, ерлер. Екінші іріктеу, финал

6 ақпан

Могул, әйелдер. Екінші іріктеу, финал.