«Шоу жасауға дайынмын». Қайрат Ахметов келесі жекпе-жегіне қатысты мәлімдеме жасады

Қазақстандық ONE FC файтері Қайрат «Қазақ» Ахметов «Король» лақап атымен танылған филиппиндік Дэнни Кингадпен жекпе-жек алдында пікір білдірді, деп хабарлайды Prosports.kz.

«Мен 100% дайынмын. Ешқандай жарақат немесе мені алаңдататын ештеңе жоқ. Мен өзімді тамаша сезінемін. Қолымнан келгенше шоу жасауға дайынмын. Жанкүйерлер өте тартысты жекпе-жекке куә болады - деді Ахметов ONE Championship ұйымының басылымына берген сұқбатында.

Ахметов - Кингад жекпе-жегі 17 желтоқсанға жоспарланған және Сингапурдағы One Championship турнирі аясында өтеді.