Трамп Дана Уайтқа қатысты қауесетке жауап беріп, Хабиб пен Махачевті атап өтті
АҚШ президенті Дональд Трамп UFC басшысы Дана Уайтқа Ақ үйдің баспасөз хатшысы қызметін ұсынды деген ақпаратты жоққа шығарды, деп хабарлайды Prosports.kz.
Бұл туралы америкалық көшбасшы Reuters агенттігіне берген пікірінде айтып, аралас жекпе-жек шеберлері Хабиб Нурмагомедов пен Ислам Махачевті де атап өтті.
«Шынымды айтсам, мен жай ғана әзілдедім», – деді Трамп.
АҚШ президенті Дана Уайттың дүйсенбі күні Ақ үйге келетінін растады. Алайда оның сапары қандай да бір мемлекеттік қызметке тағайындалумен байланысты емес екенін түсіндірді.
Сонымен қатар Трамп UFC-дің бұрынғы жеңіл салмақтағы чемпионы, Даңқ залының мүшесі Хабиб Нурмагомедов пен қазіргі жартылай орта салмақтағы чемпион Ислам Махачевтің АҚШ әкімшілігінде қызмет атқару мүмкіндігіне де қатысты пікір білдірді.
