«Мақтаарал» қорғаушысы шілдедегі үздік голдың авторы атанды
Қазақстан кәсіпқой футбол лигасы (ҚКФЛ) 2021 жылғы футболдан Қазақстан Чемпионатының шілде айының үздік голының авторын марапаттады, деп хабарлайды Prosports.kz.
Сауалнама ҚКФЛ Вконтакте әлеуметтік желісінің ресми тобында өткізілді. Жанкүйерлер таңдауына 6 үздік гол ұсынылды.
Сауалнама қорытындысы бойынша өткен айдың үздік голы болып 2021 жылғы футболдан Қазақстан Кубогының «Атырау» – «Мактаарал» (1-тур) кездесуінде соғылған Ерболат Рустемовтың керемет соққысы атанды. Қазақстандық ойыншының голына 332 (37,22 %) сауалнамаға қатысушы дауыс берді.
Аталмыш жүлдені «Мақтаарал» ойыншысына Бірінші лиганың «Мақтаарал» - «Байқоңыр» ойынының алдында ҚКФЛ спорттық директорының орынбасары Бауыржан Сейсенбеков табыстады.
