Рахат Бекболат жасөспірімдер арасында әлем чемпионы атанды

Ташкентте ауыр атлетикадан жасөспірімдер арасындағы әлем чемпионаты жалғасып жатыр, деп хабарлайды<span> </span>Prosports.kz.

Қазақстандық Рахат Бекболат 102 келіге дейінгі салмақта жасөспірімдер арасында әлем чемпионы атанды. Екі жаттығу қорытындысы бойынша ол 377 (175+202) келіні еңсерді.

Екінші орынды болгариялық Василь Маринов иеленді - 370 килограмм. Заза Ломтадзе (Грузия) қола медальді қанжығалады - 351 килограмм.