Зілтемірші Петр Хребтов 2026 жылғы Азия чемпионатында бесінші орын алды
Қазақстан құрамасы ауыр атлетикадан Үндістанның Гандинагар қаласында өтіп жатқан Азия чемпионатындағы жарыс жолын бастады, деп хабарлайды Prosports.kz сайты ҰОК-ке сілтеме жасап.
Ел құрамасынан алғашқы болып Петр Хребтов сынға түсті.
79 келіге дейінгі салмақ дәрежесінде қазақстандық спортшы бесінші орынға ие болды. Ол қоссайыс қорытындысы бойынша 335 (150+185) келіні еңсерді.
Алтын медальді Солтүстік Корея өкілі Ри Рён Хён жеңіп алды - 364 (158+206) келі. Екінші орынды тағы бір солтүстіккореялық Ри Чон Сон иеленді - 358 (161+197) келі. Қола жүлде қытайлық Лу Найганға бұйырды - 345 (157+188) келі.
Бүгін, 15 мамыр күні, 88 келіге дейінгі салмақта Қазақстан құрамасынан Александр Уваров пен Әлібек Рахымберды бақ сынайды.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или