Қамшыбек Қоңқабаев: Азия чемпионатына дайындықты бастап кеттік
Былғары қолғап шеберлері биыл Азия құрлығының үздігін Дубайда анықтайды. Бокстан Қазақстан ерлер құрамасының капитаны Қамшыбек Қоңқабаев осыған орай пікір білдірді.
"Біріккен Араб Әмірлігінің Дубай қаласында 21-31 мамыр аралығында өтетін Азия чемпионатына дайындықты бастап кеттік. Олимпиада ойындарының алдындағы соңғы жарыс. Ел сенімін ақтап,әр жарыстан абыроймен оралуға бар күш жігерімізді саламыз", - деген Қамшыбек инстаграм желісінде.
Айта кетерлігі, бокстан 2021 жылғы Азия чемпионаты Үндістаннан Біріккен Араб Әмірліктеріне ауыстырылды. Бұл туралы Азия бокс конфедерациясы хабарлаған болатын. Турнирді Нью-Делиден Дубайға ауыстыруға Үндістандағы коронавирусты инфекцияға байланысты жағдайдың ушығуы себеп болып болған.
